Ангилал: Нийгэм

БНСУ Е-9 визтэй иргэдийг зочид буудал, амралтын газар, барилга байгууламжийн үйлчилгээний салбарт аж

БНСУ-ын Гадаад ажиллах хүчний бодлого төлөвлөлтийн хорооноос 2024 оны дөрөвдүгээр сараас эхлэн мэргэжлийн бус ажиллах хүчний Е-9 визээр шинээр ирэх гэрээт иргэдийг зочид буудал, амралтын газар, барилга байгууламжийн үйлчилгээний салбарт ажиллуулахаар шийдвэрлэжээ. 

Журамд зааснаар зочид буудал, амралтын газар, барилга байгууламжийн цэвэрлэгээ үйлчилгээ, туслах ажилтнаар шинээр ирэх хөдөлмөрийн гэрээт Е-9 визтэй ажилчдыг Сөүл, Пусан, Канвон, Жэжү хотуудын аялал жуулчлалын бүс нутагт ажиллуулна.

Зөвхөн аялал жуулчлалын салбарын аж ахуйн нэгж, байгууллагатай хамтын ажиллагааны гэрээтэй компанид барилга байгууламжийн цэвэрлэгээ, үйлчилгээний ажилд хөдөлмөрийн гэрээт иргэнийг авч ажиллуулж байхаар журамласан байна.

Энэхүү журам нь Хөдөлмөр эрхлэх зөвшөөрөл олгох тогтолцооны хоёр дахь ээлжийн зөвшөөрөл батлагдсаны дараа буюу 2024 оны дөрөвдүгээр сараас хэрэгжиж эхэлнэ. Ингэснээр хөдөлмөрийн гэрээт Е-9 визээр ажиллах эмэгтэй ажилчдын квот нэмэгдэх давуу тал бий болж байна хэмээн Хөдөлмөр, Халамжийн Үйлчилгээний Ерөнхий Газраас/ХХҮЕГ/ мэдээллээ.